ҰҒМО

Мемлекет басшысының тапсырмасы бойынша Астана қаласында Республикалық клиникалық аурухананың құрылысы басталды. Нысанды британдық «Фитцпатрик Контракторс» компаниясы Англиядағы корольдік клиникасына ұқсастырып тұрғызған.

Клиниканың ашылуы 2001 жылдың қыркүйегінде болды. Сол уақыттан бері клиниканың мәртебесі екі рет өзгерді: Республикалық клиникалық ауруханадан Республикалық мемлекеттік кәсіпорынға (2003 ж.), одан кейін «Ұлттық ғылыми медициналық орталық» АҚ-ға (2010 ж.).

2005 жылдан бастап «ҰҒМО» АҚ Еуро-Азиялық респираторлық қоғамының (ЕАРҚ) штаб-пәтері болып табылады. Осы қызметінің арқасында 2007 ж. Қазақстан Республикасы Дүниежүзілік денсаулық сақтау ұйымының бөлімшесі болып табылатын Респираторлық аурулармен күресу жөніндегі жаһандық альянсқа (GARD) мүше болды. 2007 жылдың қазан айында «Денсаулық ассамблеясы» қоры ДДСҰ және Ресей Федерациясының Денсаулық сақтау және әлеуметтік даму министрлігінің қолдауымен «ҰҒМО» АҚ-на «Денсаулық сақтауды дамытуға қосқан үлесі үшін» номинациясы бойынша халықаралық сыйлықтың лауреаты атағын берді.

Қазақстан Республикасында кардиохирургиялық қызметтің даму стратегиясын іске асыру үшін 2003 ж. Ұлттық ғылыми медициналық орталықта кардиохирургиялық қызмет ашылды, онда 2004 жылдың сәуірінде ашық жүрекке алғашқы ота жасалды. Бір жылдан аз уақыт өткен соң, 2005 жылдың ақпан айында коронарлық стентті орнату үшін интервенциялық араласу жасалды. 2008 жылы балалар кардиохирургиясы бөлімі мен ересектерге арналған екінші кардиохирургиялық бөлім ашылды. интервенциялық кардиология бөлімі, 2012 жылы аритмология бөлімі пайда болды.

Қан айналымы жүйесі ауруларынан болатын өлімді төмендету бойынша стратегиялық мақсаттарды іске асыру мақсатында 2009 жылдан бастап Орталық еліміздің барлық кардиологиялық және кардиохирургиялық қызметтерін үйлестірді. «ҰҒМО» АҚ қызметкерлері Қазақстанның барлық облыстарында және екі ірі қалада – Астана мен Алматыда кардиологиялық орталықтардың ашылуына, жоғары технологиялардың берілуіне және жаңа клиникалар үшін кадрлар даярлауға үлес қосты. Біздің орталықтың мамандары жіті коронарлық синдромы бар науқастардың емін басқару стандарттарын әзірлеп, енгізді.

2012 жылдан бастап «ҰҒМО» АҚ-да органдар мен жасушаларды трансплантациялау операцияларын жасады, FDA шешімімен біздің орталық халықаралық зерттеулер үшін қауіпсіз клиникалар базасына енгізілді. Сапалы медициналық қызмет көрсетудің маңыздылығын түсіне отырып, «ҰҒМО» АҚ менеджмент жүйесін дамыта және үнемі жетілдіре отырып, әлемдік нарықта бәсекеге қабілетті болуға және өз саласындағы барлық халықаралық сапа стандарттарына сәйкес болуға ұмтылады. 2010 жылдың маусымы «ҰҒМО» АҚ Еуропалық сапа менеджменті қорының (EFQM) «Танылған Үздік – 4 Жұлдыз» деңгейіне, ал 2012 жылғы қарашада «Танылған Үздік – 5 Жұлдыз» деңгейіне сертификатталған.

Сонымен қатар, «ҰҒМО» АҚ-да диагностикалық зертханалардың халықаралық стандарттары енгізілген: BIO-Rad (АҚШ) компаниясының EQAS сыртқы сапаны бағалау, медициналық ұйымдар үшін ұлттық аккредиттеу стандарттары. Орталық алғашқылардың бірі болып Қазақстан Республикасы Денсаулық сақтау және әлеуметтік даму министрлігінің аккредиттеу стандарттарына сәйкес медициналық қызметтердің 98,7%-ға сәйкестігі туралы сертификат алды.

2010 жылы Еуропалық Іскерлік Қауымдастық пен Еуропалық Одақтың Сауда-өнеркәсіп палатасы «ҰҒМО» АҚ-ын «Медицина саласындағы үздік еуропалық кәсіпорын» деп таныды және тиісті дипломмен марапаттады. 2012 жылы «ҰҒМО» АҚ Азиялық сапа сыйлығының (ANQ, Гонконг) иегері атанды, 2014 жылы - медицина саласына жаңа технологияларды енгізгені үшін «Парыз» сыйлығымен, үздік тәжірибе үшін Еуропалық сыйлықпен (Брюссель) және сапа үшін Еуропалық сыйлықпен (Италия) марапатталды. Сол жылы орталық мамандары ішкі органдардың паразиттік ауруларын емдеуде HIFU терапиясын қолдану бойынша жаңа зерттеулерін ұсынып, «Сапалы инновация үшін» Еуропалық сыйлығына ие болды.

Орталық Қазақстандағы денсаулық сақтау мен медицина ғылымының ең өзекті бағыттарын әзірлейді және енгізеді. Жоғары мамандандырылған медициналық көмек шеңберінде дің жасушаларының әртүрлі түрлерін трансплантациялауды қолдану ішкі аурулар клиникасының және хирургияның күрделі мәселелерін шешуге мүмкіндік береді. FDA (АҚШ) шешімімен «ҰҒМО» АҚ халықаралық клиникалық зерттеулер жүргізу үшін қауіпсіз клиникалардың деректер базасына енгізілді.

«ҰҒМО» АҚ-да тиімді корпоративтік басқарудың принциптері мен тетіктері қолданылады:

• EFQM моделінің тұжырымдамалық тәсілдері мен критерийлеріне, процесс және жүйелік тәсілдерге негізделген біріктірілген басқару жүйесі жұмыс жасайды, ал бизнес-процестер мақсаттар мен тиімділік көрсеткіштеріне сәйкес басқарылады.
• Менеджмент үнемі жетілдірілуде, МС ISO 9001, МС ISO 14001, OHSAS 18001, ISO 50001, ISO 31000, ISO 26000 және ISO 27000 талаптары кезең-кезеңімен енгізілді, белгіленген тәртіпте сертификатталған қосалқы жүйенің сәйкестігін сыртқы бағалау жүргізілуде.
• Сапа идеяларына берілген, менеджментте де, кәсіпте де білім сапасын үнемі жетілдіріп отыратын жоғары білікті мамандар, Орталықтың 41 маманы Еуропалық сапа менеджменті қорынмен (EFQM, EOQ) сертификатталған.