Томотерапия – обырмен күресте мықты құрал! Қазақстандық онкологтардың серпілісі

«Денсаулық» ( АКИpress ) - Қырғызстанда балалар мен ересектер арасында онкологиялық аурулардың көрсеткіші өсуде. Дәрігерлер азаматтардың басым бөлігі кешігіп жүгінетінін, кейбірі диагноз анықталған соң емделгісі келмейтінін айтады. Емдеу көмектеспейді және бұл уақыт пен ақшаны босқа кетіреді деп есептейді.

Алайда, обырмен күресудің заманауи әдістері мен соңғы технологиялар емдеуде серпіліс жасады, және бүгін онкологиялық аурулар өлім үкімі емес. Ең бастысы - емдеуді уақытылы бастау.

Сәулелік терапия хирургиялық араласу және химиотерапиямен қатар қолданылатын обырды емдеудің негізгі құралдардың бірі екенін бәрі біледі. Онкологиямен ауыратын науқастар сау тіндерге зақым келтірместен процедурадан аз жанама әсерлерді және сәуленің денеге әсерін нақты уақытта бақылау мүмкіндігін күтеді. Бұл салада айтарлықтай жетістікке қол жеткізілді, бүгінде томотерапия пациенттердің барлық сұраныстарына жауап береді.

Бұл әдістің тиімділігі технология мен техниканың мүмкіндіктеріне тікелей байланысты. Басқаша айтқанда, мұндай емдеу барлық жерде бола бермейді. Алайда қырғызстандықтардың Астанада томотерапиямен емделуге мүмкіндігі бар .

Қазақстанда 2019 жылдан бастап UMIT халықаралық онкологиялық томотерапия орталығы әртүрлі елдерден келген науқастарға, соның ішінде қырғызстандықтарға медициналық көмек көрсетуде. Бұл томотерапия емін жасайтын Орталық Азиядағы алғашқы медициналық мекеме.

UMIT халықаралық онкологиялық томотерапия орталығында емделу

Халықаралық онкологиялық орталықта жыл сайын 500-ден астам пациент әртүрлі локализациядағы ісіктермен, оның ішінде гематологиялық онкологиялық аурулармен сәулелік терапиядан өтеді .

Емделуге алыс және жақын шетелдерден ересек пациенттер мен бір жарым жастан асқан балалар қабылданады. Әрбір жағдай ұжымдық түрде қарастырылады, томотерапияға көрсетілімдер мен қарсы көрсетілімдер бар-жоғы анықталады, содан кейін ғана олар емдеуге қабылданады.

Пациенттермен психологтар да жұмыс жасап, науқастар мен туыстарына психологиялық көмек көрсетеді. Процедура барысында аурудың ағымында өзгерістер болуы мүмкін және мамандар диагнозды дұрыс қабылдауға, депрессияны, мазасыздықты және күйзелісті жеңуге көмектеседі.

Онкологиялық орталықтың директоры Ержан Шаяхметов томотерапия туралы толығырақ айтып, АКИpress тілшісінің сұрақтарына жауап берді.

– Сіздің орталықта онкологиялық ауруға шалдыққан науқастарға қандай медициналық көмек көрсетіледі? Жұмыс қалай ұйымдастырылған?

- UMIT онкологиялқ томотерапия орталығы еуропалық үздік клиникалардың үлгісінде жасалған және заманауи TomoTherapy HD құрылғысын қолданатын сәулелік терапия мекеменің бірегейлігі болып табылады. Онкологиялық аурулармен ауыратындардың 70%-ы сәулелік терапияны қажет етеді және томотерапияның көмегімен пациенттердің өмір сүру сапасы, жайлылығы жаңа деңгейге көтерілді.

Біздің орталық онкологиялық ауруларды ерте анықтаумен байланыстырылады. Мұнда томотерапия бөлімі, клиникалық диагностикалық және эндоскопия бөлімі, компьютерлік томография кабинеті, ультрадыбыстық аппараттар, лазерлік хирургия, томосинтез функциясы бар маммография бар.

Бізбен бір аумақта орналасқан Ұлттық ғылыми медициналық орталық – серіктесіміз. Медициналық орталықтың үлкен диагностикалық базасы бар.

Егер онкологиямен ауыратын науқаста ота жасауға көрсеткіш болса, біз орталықта мынадай диагноздармен кез-кезлен күрделі операцияларды жасаймыз: өңештің, тік ішектің, асқазанның қатерлі ісігі, яғни локализацияның барлық түрі, сонымен қатар нейрохирургиялық операцияларды жасаймыз. Біздің орталыққа медициналық көмекке жүгінген науқас кешенді ем ала алады.

UMIT онкологиялық орталығы JCI сертификатына ие. Бүгінгі нақты жағдайда JCI аккредитациясы әлемдегі ең беделді болып табылады. Бұл медициналық қызметтердің сапасы мен қауіпсіздігін объективті тану болып табылады. Сертификат шетелдік пациенттер үшін сенімділік кепілі болып табылады.

– UMIT орталығында жылына қанша науқас ем алады? Науқастар онкологиялық ауралардың қандай түрлерімен көбірек жүгінеді? Науқастар арасында шетелдіктер көп пе?

– Біздің орталықта 2022 жылы әртүрлі ісік түрімен ауыратын 560-тан астам адам сәулелік терапиядан өтті. Біздің құрылғының көмегімен бір жарым жастан бастап балаларға сәулелік терапия жүргізуге болады. Біз Ана мен бала институтымен қатерлі ісікке шалдыққан балаларды томотерапиямен емдеу бойынша тығыз жұмыс жасаймыз. Балалар институтта емделеді, ал бізге томотерапия сеанстарына келіп тұрады. Біздің құрылғы бір жарым жастан асқан балаларға сәулелік терапия жүргізуге мүмкіндік береді.

2022 жылдың қарашасында біз сүйек кемігін толық сәулелендіру әдісін енгіздік. Лейкозбен ауыратын балаларға көбінесе сүйек кемігін трансплантациялау көрсетіледі және трансплантациядан бұрын олар толық сәулелену процедурасынан өтеді. Қазірдің өзінде 4 балаға сәтті орындалды және балалар онкогематологтары процедурадан кейін жақсы нәтижелермен бөлісіп отыр.

- Томотерапияның әдеттегі сызықтық үдеткіштерден айырмашылығы неде ?

– Біздің орталықта сәулелік терапия онкология саласында алтын стандарт деп танылған TomoTherapy HD аппаратында жүргізіледі. Қазақстан азаматтары үшін томотерапия аппаратында емделу тегін көмектің кепілдік берілген пакетіне кіреді, ал басқа елдердің азаматтары үшін емдеу ақылы.

Сәулелік терапия қатерлі ісіктің кішіреюі үшін операция алдында, қалған обыр клеткаларының өсуін тоқтату үшін операциядан кейін және химиотерапия сияқты басқа емдеу әдістерімен бірге көрсетіледі.

TomoTherapy HD құрылғысында КТ сканері және сызықтық үдеткіш бар. Кәдімгі сызықтық үдеткіштерде сәулелену өрісі 40х40 см-ге дейін шектеледі, ал томотерапия ұзағырақ нысанамен жұмыс істеуге мүмкіндік береді - шамамен 135x40 см. Ісік әрқашан әртүрлі пішінге ие және сәулеленуді дәл көздеу қажет. Томотерапия аппараты мен бағдарламасы модуляцияланған қарқындылығы және қосымша жақсартылған визуализациясы бар сәулеленудің тар өрісіне ие. Сәулелену ісіктің шетінен басталып, әртүрлі жазықтықтардан спираль түрінде айнала отырып, орталыққа жетеді - бұл сау тіндерді мүмкіндігінше біркелкі сәулелендіруге және қорғауға көмектеседі.

Жүрек ауруы бар науқастарға ырғақты жүргізуші аппараттар, кардиостимуляторлар немесе жасанды дефибрилляциялық аппараттар қойылады. Бұл жүректің автоматты режимде бірқалыпты жұмыс істеуі үшін жасалады. Бірақ көкіректің, өңештің немесе өкпенің ісіктері кезінде кардиостимуляторы бар науқастарды әдеттегі желілік қондырғыларда сәулелендіруге болмайды, өйткені бұл құрылғылардағы электроника істен шығуы мүмкін. Томотерапия оларды айналып өтіп, ісікке жетуге мүмкіндік береді. Ырғақты жүргізуші аппараттарда сәулелендіру 0,5-2грейден артық рұқсат етілмеуі керек. Біздің сарапшылар жасанды кардиостимуляторлар мен дефибрилляторларға түсетін жалпы дозаның бар болғаны 0,5 Гр болатынына қол жеткізді.

- Қандай жанама әсерлер болуы мүмкін?

– Сәулелік терапия терінің күйіп қалуы, өкпе фиброзы және т.б. тудыруы мүмкін екенін бәрі біледі. Біздің TomoTherapy HD құрылғысының ерекшелігі басқалармен салыстырғанда жанама әсерлердің аз болуы. Оны тәжірибе жүзінде көріп отырмыз.

– Томотерапия процедурасы заманауи құрал-жабдықтармен қатар, жоғары білікті мамандарды да қажет етеді. Қызметкерлеріңіз туралы айтып беріңізші.

– UMIT онкологиялық орталығының ұжымы жоғары білікті және әртүрлі елдерде тиісті дайындықтан өткен.

Жоғарыда айтқанымдай, біз американдық Accuray компаниясы шығарған TomoTherapy HD құрылғысымен жұмыс істеп жатырмыз. Біздің құрылғылармен ғана айналысатын өзіміздің оқыған инженеріміз бар.

Онкологиялық орталық ашылғанға дейін біздің дәрігерлер – радиологтар, радиотерапевттер, медициналық физиктер, медициналық операторлар Үндістанда, АҚШ-та және Францияда біліктілігін арттырды. Балалар онкологтары да Ресейде білім алып, білімдерін жетілдірді.

Біз біліктілігімізді үнемі жетілдіріп отыруға тырысамыз – біздің команда Еуропалық радиология қоғамының мүшесі. Мамандар шеберлік сабақтарынан, тренингтерден өтеді. Дәрігерлерімізді оқытуға бюджеттен қаржы бөлеміз.

- Сіздің мамандар TomoTherapyHD аппарытнда сәулелік терапия процедурасын қалай орындайды ?

– Емдеу процесі күрделі, өйткені ол мұқият дайындықты қажет етеді. Компьютерлік томография қатерлі ісік пен қауіпті мүшелердің шекарасын анықтайды. Радиациялық онколог нысананы, яғни сәулеленуді қажет ететін аймақты контурлайды. Тексерулерден кейін деректер медициналық физиктерге беріледі және есептеулер негізінде жоспар жасалады.

Біз науқасты емдеуге бірден кіріспейміз, алдымен медициналық физиктер фантом – арнайы аппаратураны пайдаланады. Олар фантомды сәулелендіреді және оны жоспарланған сәулеленумен салыстырады. Науқасты емдеу толық сәйкестіктен кейін ғана басталады.

Емдеу науқасты дайындаумен бірге 20-30 минутты алады, ал сәулелену процесінің өзі 5-7 минутқа созылады. Дәрігерлер жағдай мен нәтижеге байланысты емдеу процедураларының санын анықтайды. Бір науқасқа 5 сеанс жеткілікті болса, ал екінші науқастың емі 20-40-қа дейін жетуі мүмкін.

– Орталық басқа елдерден келетін науқастармен қалай жұмыс істейді? Оларға қандай қызметтер көрсетіледі?

– Шетелдіктерге ыңғайлы болу үшін медициналық туризм бағдарламасы бар. Біз алыс-жақын шетелдерден науқастарды қабылдаймыз. Шетелдік пациенттер үшін үйлестірушілеріміз бар және тіл мәселесі жоқ, аударма қызметі көрсетіледі.

Біздің орталық Астанадағы қонақ үйлермен серіктестік орнатқан. Орталық трансфер қызметін ұсынады және болашақта визалық қолдаумен айналысады.

– Шетелдік азаматтар дәрігерлеріңізден кеңес ала алады ма?

- UMIT онкологиялық орталығының дәрігерлерінен кеңес алғыңыз келсе, біздің поштамызға ауру тарихы мен зерттеу нәтижелерін жібере аласыз. Мамандар сәулелік терапияға көрсеткіштердің бар-жоғын анықтап, ауру тарихын зерттеп, кеңес беріп, бағдарлама, орталықта емделу құны туралы айтып береді.

Кеңес алу үшін:

Пошта: info@tomo.kz

Тел: +7 777 201 44 44 (WhatsApp және Telegram бар)

сайт: tomo.kz

Instagram: tomocenter.kz

Сілтеме: zdorovie.akipress.org