Маммология орталығы

ҚҰРМЕТТІ ДОСТАР!

Біз сіздерді Маммология орталығында қуана қарсы аламыз!

Қазақстандағы онкология саласындағы өзекті мәселелерге жауап ретінде, 2018 жылы «UMIT» Томотерапия орталығы іске қосылды. Осы жоба аясында халықаралық стандарттарға сай Маммология орталығы ашылды.

Бүгінгі таңда Маммология орталығы – Қазақстандағы жалғыз мамандандырылған орталық, бірегей жабдықтармен қызмет көрсетеді.

Сүт бездерін толыққанды, жоғары тиімді тексеру жүйесі мыналарды қамтиды:

•Германия, Австрия, АҚШ және Оңтүстік Кореяның үздік клиникаларында оқудан өткен жоғары деңгейлі мамандардың кәсіби кеңесі;

•Эксперттік деңгейдегі ультрадыбыстық зерттеу (УДЗ);

•Томосинтезі бар цифрлық маммография және пальпацияланбайтын түзілістер мен микрокальцинаттарға стереотактикалық биопсия жасау;

•Гистологиялық және иммуногистохимиялық зерттеулер (ИГХ);

•Ісіктердің молекулалық-генетикалық талдауы (NGS технологиясы);

•Онкологиялық ауруларда органсақтаушы емдеу әдістері;

•Онкологиялық науқастарға арналған пластикалық және реконструктивтік хирургия;

•Эстетикалық хирургия: сүт бездерін үлкейту, кішірейту және тарту;

•Ең заманауи жабдықтарда бүкіл организмді толыққанды диагностикадан өткізу;

•Науқастарға халықаралық диагностика және емдеу хаттамаларына сәйкес ұсыныстар беріледі;

•Стационарлық көмек Ұлттық ғылыми медицина орталығында (ҰҒМО) көрсетіледі;

•Онкологиялық науқастарға Орталық Азияда және посткеңестік кеңістікте теңдесі жоқ томотерапия аппараттарында ем жүргізіледі;

•Шетелдік университеттік клиникалармен әріптестік бағдарлама жүзеге асырылып, мамандардың біліктілігі тұрақты түрде арттырылуда.

Онкологиялық науқастарды диагностикалау, емдеу және жүргізу – өте күрделі міндет.

Науқас тек аурумен ғана емес, алдағы емдеу үдерісімен және психологиялық қиындықтармен де бетпе-бет келеді.

Біз онкологиялық науқастарға көмек көрсету үшін үкіметтік емес ұйым құруды бастамашылық еткенімізді мақтан тұтамыз.

Бұл ұйым ауыр жағдайға тап болған науқастарға оңалту кезеңінен өтуге көмектеседі.

Біздің мамандар:

•Дарышева Гүлбаршын Мұхамеджанқызы – маммолог-онколог дәрігер

•Бримова Айгүл Демеуғалиқызы – маммолог-онколог дәрігер

•Жаппаров Ербол Исмаилұлы – маммолог-онколог дәрігер

•Сүлейменова Дана Мұратқызы – маммолог-онколог дәрігер, сүт бездерінің сәулелік диагностикасы дәрігері

Мамандарымыз туралы қысқаша мәлімет:

Дарышева Гүлбаршын Мұхамеджанқызы

•1984 жылы Ақтөбе медициналық институтын бітірген.

•1984-1988 жылдары Маңғыстау облысы Жаңаөзен қаласында акушер-гинеколог ретінде еңбек етті.

•1988 жылы Алматы мемлекеттік медицина институтының клиникалық ординатурасына түсіп, 1990 жылы маммология бағыты бойынша тәмамдады.

•1990 жылы Қазақстан Республикасы Президенті Іс Басқармасының Медициналық орталығына маммолог-онколог болып жұмысқа қабылданды.

•Қазақстанда маммологиялық скрининг бағдарламасын әзірлеуге қатысқан.

•2000 жылы Астана қаласындағы Ұлттық ғылыми орталыққа маммолог-онколог ретінде шақырылып, 2004 жылға дейін қызмет атқарды.

•Кейін көпсалалы «Мейірім» медицина орталығына маммолог-онколог ретінде шақырылды.

•2009 жылы Австрияның VAMED компаниясының шақыртуымен Астанадағы Ұлттық Ана мен бала ғылыми орталығына маммолог-онколог болып орналасты.

•Германия, Австрия, АҚШ және Оңтүстік Кореяның клиникаларында жыл сайын біліктілігін арттырып келеді.

•Шетелдік мамандармен бірлесе отырып, Қазақстанда алғаш рет EUSOMA ұсынымдарына сәйкес диагностика және емдеудің заманауи әдістерін енгізді.

Бримова Айгүл Демеуғалиқызы

•1999 жылы Ақтөбе медицина академиясын бітірген.

•Марат Оспанов атындағы осы академияның клиникалық ординатурасында білім алды.

•Батыс Қазақстан мемлекеттік медицина академиясының факультеттік терапия кафедрасында жұмыс істеп, ауыр терапиялық және кардиологиялық науқастарды емдеген.

•Тұрақты кәсіби даму мақсатында «Болашақ» Президенттік бағдарламасы арқылы шетелде білім алуға шешім қабылдады.

•2005-2008 жылдары Германияның Ганновер медицина институтында докторантурада оқыды, гематология, гемостазиология, онкология және сүйек кемігін трансплантациялау мамандықтары бойынша зерттеу жүргізіп, докторлық диссертациясын сәтті қорғады.

•2009 жылы Ганновер медицина институтында ғылыми қызметкер ретінде жұмыс істеді.

•Германияда қалу мүмкіндігі болғанына қарамастан, еліне оралуға шешім қабылдады.

•2009 жылы Ұлттық ғылыми медицина орталығына онколог, маммолог және химиотерапевт ретінде шақырылды.